’خالدي‘ علي محمد
خالدي علي محمد
’خالدي‘ علي محمد: علي محمد ’خالدي‘ ولد نهال خان لاشاري10 جون 1925ع تي ٺٽي ۾ جنم ورتو. پرائمري تعليم ٺٽي مان، مئٽرڪ سنڌ مدرسي ڪراچي، بي. اي 1949ع ۾ ۽ ايل. ايل. بي 1951ع ۾ پاس ڪيائين. 1952ع ۾ پهرين ٺٽي ۽ پوءِ حيدرآباد ۾ وڪالت شروع ڪيائين. 1964ع ۾ ايم. اي سنڌيءَ ۾ ڪيائين. شاعريءَ ۾ رهنمائي مرحوم غلام احمد نظاميءَ کان ورتائين. هيءُ سنڌ جو اسپيشل پبلڪ پراسيڪيوٽر مقرر ٿيو. خالدي علي محمد بنيادي طرح نظم جو شاعر هو. سندس تصنيفن ۾ ’نسيم سحر‘، (شاعري)، ’مڪليءَ جا پراسرار داستان‘ ۽ ’خاموش گواهه‘ قابل ذڪر آهن. سندس ’ڪليات خالدي‘ قلمي صورت ۾ آهي. خالدي علي محمد جميعت الشعراءُ سنڌ جو سرگرم ڪارڪن هو. هن 30 آگسٽ 1972ع تي وفات ڪئي. سندس شاعريءَ جو نمونو هيٺ ڏجي ٿو: بدلجن پيون تقديرون، ڪڏهن ڪهڙيون ڪڏهن ڪهڙيون، ٿين ٿيون نقش تحريرون، ڪڏهن ڪهڙيون ڪڏهن ڪهڙيون.
لفظ خالدي علي محمدھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1925.06.10 عيسوي
علي محمد ’خالدي‘ ولد نهال خان لاشاري10 جون 1925ع تي ٺٽي ۾ جنم ورتو.
1972.08.30 عيسوي
علي محمد ’خالدي‘ 30 آگسٽ 1972ع تي وفات ڪئي
شاعر - ڀاڱي جون ٻِيون داخلائون
عالم شير گبول حاجيراز بلڙائي
آريجو غلام عمر غلام
پلي طالب
انور پرديسي
چانڊيو محمد حسن
سيد اصغر علي شاهه عاجز
شاهده کوکر
سجاد ميراڻي
صابر موچي